ABŞ dövlət katibinin Avrasiya məsələləri üzrə köməkçisinin müavini Erik Rubin Azərbaycanda səfərdədir.
ABŞ-ın Azərbaycandakı səfirliyindən APA-ya verilən məlumata görə, E. Rubin Bakıya oktyabrın 12-də gəlib.
Bu gün onun Azərbaycan prezidenti İlham Əliyevlə görüşü nəzərdə tutulur.
Oktyabrın 15-də isə E. Rubin xarici işlər naziri Elmar Məmmədyarov, işgüzar dairələr və QHT təmsilçiləri ilə görüşəcək.
Səfərin əsas məqsədi ABŞ-Azərbaycan əməkdaşlığının perspektivlərini müzakirə etməkdir.
