Futbol üzrə İspaniya çempionatının 7-ci turunda “Barselona” və “Real Madrid” komandaları üz-üzə gəlib. Oyun məhsuldar heç-heçə ilə başa çatıb – 2:2.
“Kral klubu” 23-cü dəqiqədə Kriştianu Ronaldunun qolundan sonra hesabda önə çıxıb. Lakin 7 dəqiqə sonra Lionel Messi bərabərlik qolunu vurub. 66-cı dəqiqədə yenidən Messi fərqlənib. Amma cəmi 5 dəqiqə sonra Ronaldu “dubl” edib.
“Real Madrid”lə heç-heçə “Barselona” üçün cari mövsüm İspaniya çempionatında ilk xal itkisi olub. 7 turdan sonra Kataloniya komandası 19 xalla liderdir. “Kral klubu” isə 11 xalla 5-ci yerdədir. Aktivlərində hərəyə 8 qol olan Lionel Messi ilə Kriştianu Ronaldu isə bombardirlər siyahısına başçılıq edirlər. “Atletiko”nun hücumçusu Radamel Falkao da eyni miqdarda qol vurub (Lent.az).
