İyunun 19-da Xəzər Rayon Məhkəməsində ilahiyyatçı İlham Əliyevin mühakiməsi başa çatıb. “Media forum” saytının məlumatına görə, hakim Fatma Miriyevanın çıxardığı hökmlə İlham Əliyev cəzasını ümumi rejimli cəzaçəkmə müəssisəsində keçirməklə 1 il 6 ay müddətinə azadlıqdan məhrum edilib.
Fevral ayında tutulan ilahiyyatçı Cinayət Məcəlləsinin 228.1-ci (Qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) maddəsi ilə günahlandırılır.
