Azərbaycanın İrandakı səfirinin məsləhətləşmələr üçün Bakıya çağırılması ilə bağlı yayılan məlumatlar tamamilə yanlışdır. Azərbaycan Xarici İşlər Nazirliyi İrandakı səfiri məsləhətləşmələr üçün Bakıya dəvət etməyib. Bu barədə Turan-a XİN mətbuat xidmətinin rəhbəri Elman Abdullayev bildirib.
Onun sözlərinə görə, səfir Cavanşir Axundov öz şəxsi problemləri ilə əlaqədar Bakıya gəlib.
***
Azərbaycan İrandakı fövqəladə və səlahiyyətli səfiri Cavanşir Axundovu Bakıya çağırıb. Bu barədə APA-ya Azərbaycanın İrandakı səfirliyindən məlumat verilib. Məlumatda bildirilir ki, səfir Bakıya məsləhətləşmələr üçün çağırılıb. Məsləhətləşmələrin nə ilə bağlı olduğu açıqlanmayıb. Qeyd edək ki, İranın Azərbaycandakı səfiri də məsləhətləşmələr üçün Tehrana çağırılıb.
