Bu gün Ombudsman Aparatının nümayəndələri vicdan məhbusu, Müsavat Partiyasının Mərkəzi İcra Aparatının rəhbəri Arif Hacılı ilə görüşüblər. Görüşdə Ombudsman Aparatının şöbə müdiri Vüqar Məhərrəmov və aparatın əməkdaşı Əsədulla Əliyev iştirak edib.
Bu barədə İctimai Palatanın Mətbuat Mərkəzinə A.Hacılının vəkili Nemət Kərimli məlumat verib.
N.Kərimlinin sözlərinə görə, aparat nümayəndələri Arif Hacılının səhhəti və saxlanma şəraiti ilə maraqlanıblar. Aparat nümayəndələri bildiriblər ki, onlar Ombudsman Elmira Süleymanovanın göstərişi əsasında cəzaçəkmə müəssisənə gəliblər.
