Gürcüstan birtərəfli şəkildə Rusiya ilə viza rejimini ləğv edir. Bununla Rusiya vətəndaşlarının Gürcüstana rahat şəkildə istirahətə gəlməsi və bizneslə məğul olmasına şərait yaradılacaq. Təklifi ölkə prezidenti Saakaşvili fevralın 28-də parlament çıxışında irəli sürüb.
“Gürcüstana gələn Rusiya vətəndaşı istənilən başqa dövlətin vətəndaşı kimi qorunacaq və rahat şəkildə hərəkət edəcək. Çünki onlar korrupsiyanın, bürokratiyanın olmadığı, insan ləyaqətinin alçaldılmadığı bir ölkəyə gəlirlər”, – deyə Saakaşvili bildirib.
Daha əvvəl Şimali Qafqaz respublikaları üçün viza rejimi sadələşdirilmişdi.
Saakaşvili ölkə əhalisinin artırmını stimullaşdırmağa da söz verib. Gələn il yanvarın 1-dən hər doğulan uşağa illik 600 dollar yardım ediləcək. Dördüncü uşağı olan ailələrdə bu məbləğ 1200 dollar olacaq. Dövlət həm də çox uşaqlı ailələrin uşaqlarını 18 yaşınacan sığortalayacaq.
azadlıq.info
