Azərbaycan İnternet istifadəçiləri üçün təhlükəli ölkələr onluğunda

“Kasperski laboratoriyası”nın tədqiqatına əsasən, Azərbaycan İnternet istifadəçilərinin digər dövlətlərə nisbətən daha çox kibertəhlükələrlə üzləşdiyi ölkələrin ilk onluğunda yer alıb. Bu siyahıda birinci yeri Rusiya tutur. 2011-ci il ərzində ölkə istifadəçilərinin 55,9%-i antivirus proqramının işə düşməsi ilə qarşılaşıblar, deyə www.cnews.ru saytı məlumat yayıb. İkinci yerdə 54,8% göstərici ilə Oman, üçüncü yerdə 50,1% göstərici ilə ABŞ gəlir. Azərbaycan 47,5% göstərici ilə altıncı yerdədir. Ümumilikdə dünyada İnternetin təhlükəlilik səviyyəsi bir ildə 2% artıb və 32,3% təşkil edib.