Fevralın 2-nə keçən gecə Bakı-Şamaxı yolunda dəhşətli yol qəzası baş verib. Baş Dövlət Yol Polisi İdarəsindən Lent.az-a verilən məlumata görə, yolun 28-ci kilometrliyində, Abşeron rayonu ərazisində “VAZ 2106” markalı minik avtomobili “KamAZ” markalı yük maşınına çırpılıb.
Nəticədə “VAZ 2106”-nın sürücüsü İsmayıllı rayon sakini 36 yaşlı Rəşad Behbudov, onun sərnişini 37 yaşlı Rasim Məmmədov və avtomobildə olan 30-35 yaşlı qadın hadisə yerində ölüb.
Hadisəyə yolun buzlu olmasının və sürücülərin sürət həddinin düzgün seçməməsinin səbəb olduğu ehtimal olunur. Faktla əlaqədar cinayət işi açılıb.
