Sentyabrın 12-də Türkiyənin baş naziri Rəcəb Tayyib Ərdoğanın şimalı Afrika ölkələrinə səfəri başlayır.
APA-nın türk mətbuatına istinadən verdiyi xəbərə görə, Ərdoğan Misir,Tunis və Liviyaya səfər edəcək. Ərdoğanın Qahirədə Misirin müvəqqəti hökuməti ilə strateji əməkdaşlığa dair danışıqlar aparacağı gözlənilir. Onun Qəzzaya gedəcəyi də istisna olunmur. Xatırladaq ki, Ərdoğan keçən ay Somaliyə səfər edib.
