Qazaxıstan hökuməti Astana aeroportuna prezident Nursultan Nazarbayevin adını verib.
«Kazaxstanskaya pravda»nın məlumatına görə, bundan sonra adıçəkilən məkan “Astana Beynəlxalq Hava Limanı” yox, “Nursultan Nazarbayev Beynəlxalq Hava Limanı” adlanacaq.
Qəzetin yazdığına görə, təşəbbüsün müəllifi senator Darxan Kaletayevdir. O, bu təklifi 2009-cu ildə irəli sürüb.
Ötən ilin noyabrında Qazaxıstan paytaxtının da adının dəyişdirilərək Nazarbayevin adına olması təklif edilmişdi. Lakin həmin vaxt prezident buna ehtiyac olmadığını bildirdi.
Gültəkin