Hamburq şəhərində yerləşən Elba filarmoniyası hələ açılmasa da, artıq əsrin mədəniyyət və arxitektura proyekti hesab olunur. Açılışa 7 həftə qalıb. Filarmoniyanın kassasında və saytında biletlər praktiki olaraq artıq tükənib. Söhbət təkcə birinci konsertdən yox, bütövlükdə birinci sezondan gedir. Əlbəttə, onlayn auksion spekulyantları da yeni binaya maraqdan istifadə edirlər. “Ebay” saytında Lan Lanın konsertinə ön cərgəyə iki bileti rekord qiymətə – 9980 avroya almaq olar.