Dünyanın yeddi möcüzəsindən biri olan Yunanıstandakı Rodos heykəli yenidən inşa ediləcək. 150 metr hündürlüyündə inşa ediləcək yeni heykəl, ABŞ-dakı Azadlıq heykəlindən daha uzun olacaq.
Rodos heykəli 183 milyon poundluk plan çərçivəsində yenidən inşa ediləcək. Əfsanələrdə qeyd olunduğu kimi heykəlin başı üzərində böyük bir fənər quraşdırılacaq.
Heykəlin içində kitabxana, muzey və mağazalar da fəaliyyət göstərəcək. Heykəl, Türkiyə sahillərindən görüləcək.
Xatırladaq ki, Rodos Heykəli qədimdə “dünyanın yeddi möcüzəsi”ndən biri sayılırdı.
E.ə. III əsrdə sərkərdə Demetri Rodos adasına hücum etmiş, lakin rodosluları məğlub edə bilməmişdi. Buna görə də rodoslular adanın uğurlu müdafiəsi şərəfinə adada dünyanın ən böyük heykəlini qoymağı qərara aldılar.
Abidənin yaradılması antik dövrün məşhur heykəltəraşı Lissipin şagirdi Xaresə həvalə olunmuşdur. Xares abidəni 12 il ərzində yaratmışdır. Heykəl 66 il mövcud olmuşdur.
Dənizlə şəhər darvazaları arasındakı bazar meydanında qoyulmuş 36 metrlik tunc heykəldə gənc oğlan təsvir olunmuşdu. Onun möhkəm ayaqları azacıq aralı, sağ əli gözlərinin üstündə idi. Başında günəş şüalarının rəmzi olan tac vardı. Bu, günəş TanrısıHeliosun təsviri idi. Camaat onu öz himayəçisi hesab edirdi.
E.ə 225 –ci ildə baş verən zəlzələ nəticəsində Rodos nəhənginin ayaqları sınmışdır. Heykəl dənizə yıxılmış və təxminən 1000 il sahildə bu vəziyyətdə qalmışdır. Tarixçi Strabonun məlumatına görə rodoslular «baxıcı» məsləhəti ilə onu qaldırmırlar. 653-ci ildə ərəb sərkərdəsi Müaviyyə adanı ələ keçirdikdən sonra nəhəngi bir yəhudiyə satır.
E.əvvəl 977-ci ildə heykəli hissələrə ayıraraq satmaq qərarına gəlmişlər. Qədim əlyazmalarda göstərilir ki, heykəlin hazırlandığı tuncun daşınması üçün 900 dəvə lazım olmuşdur.
Nyu-York buxtasındakı Azadlıq heykəlinin timsalında Rodos nəhənginin obrazı yaradılmışdır.
Aydın Taş