Azərbaycan Güləş Federasiyası (AGF) türkiyəli güləşçi Rza Kayaalpa 1 milyon dollar təklif etməsi haqda xəbəri təkzib edib.
“Qafqazinfo”nun verdiyi xəbərə görə, federasiyanın baş katibi Əjdər Cəfərov Kayaalpa ehtiyaclarının olmadığını bildirib: “Yunan-Roma güləşi üzrə 120 kq çəki dərəcəsində mübarizə aparan türk güləşçi Rza Kayaalpa Azərbaycan Güləş Federasiyası tərəfindən 1 milyon dollarlıq təklif edilməsi barədə mətbuatda yayılan xəbərlər tamamilə yanlışdır və heç bir əsası yoxdur. Yığma komandamızda ölkəmizi 120 kq-da təmsil edən bir neçə idmançı var və hal-hazırda nə Rza Kayaalpa, nə də başqa bir idmançını transfer etmək fikrimiz yoxdur”.