Türkiyədə elektriklər kəsilib. Türkiyə KİV-i xəbər verir ki, İstanbul və Ankara şəhərləri də daxil olmaqla yaranan texniki problem əksər şəhərlərdə də qeydə alınıb. İstanbul bələdiyyəsi elektrikin kəsilməsi ilə əlaqədar metro, tramvay səfərlərinin ləğv edildiyini açıqlayıb. Hazırda metroda köməksiz vəziyyətdə qalan insanların olduğu bildirilir. Yerli mətbuat Bursa, Rize, Manisa, Kayresi, Balıkesir, Konya, Aydın, Adana, Bitlis, Çanakkale, Hatay, Denizli, Eskişehir, İzmit, Bilecik, Samsunda da eyni durumun yaşandığını yazıb. Elektrikin kəsilməsinin səbəbi isə hələ ki bilinmir.