Sərhədsiz Reportiorlar təşkilatı 8 mart Beynlxalq Qadınlar günü münasibəti ilə dünyanın müxtəlif yerlərindən olan 10 qadın jurnalisti anır.
“Qadın jurnalistlər, öhdəlik və problemlər” başlıqlı yazıda təşkilat Azərbaycan, Suriya, İran, Əfqanıstan, Serbiya, Birma, Konqo, Liberiya, Mərakeş və Meksikadan olan 10 qadın jurnalistin şəklini çap edib, korrupsiya, insan haqları və digər problemlərdən yazdıqlarına görə, onların üzləşdikləri problemlər, zorakılıq və təhlükələrdən yazıb.
Bu onluğa Azərbaycandan hazırda həbsdə olan araşdırmaçı jurnalist Xədicə İsmayıl düşüb.
Yazıda deyilir ki, Xədicə İsmayıl hökumət səviyyəsində korrupsiya və maraq davasından yazdığına, araşdırmalar apardığına görə hazırda həbsdədir. Hakimiyyət onu susdurmaq üçün 2012-ci ildə evində videokamera yerləşdirərək şantajla hədələdi, amma jurnalis əlində olan vacib materialları çap elədi və buna görə onunla haq-hesab çəkildi. Hazırda cəfəng ittihamlarla həbsdədir.
Yazıda deyilir ki, hakimiyyət Xəıdicə İsmayılı həbsxanaya atsa da, onu susdura bilməyib. O, həbsxanadan yolladığı məktublarla yenə də hakimiyyəti tənqid eləyir , ona qarşı çıxmağa çağırır. Buna görə onu təkadamlıq kameraya salıblar.