ABŞ prezidenti Barak Obama bildirib ki, Vaşinqton Ukrayna böhranına görə Rusiyaya təzyiq siyasətini davam etdirəcək. Bununla yanaşı o ABŞ-la Rusiya arasında hərbi münaqişə ehtimalını istisna edib.
Obama eyni zamanda Kiyevə bundan sonra da dəstək göstərəcəklərini deyib.
Ağ Ev rəhbərinin sözlərinə görə, Vaşinqton mümkün dialoqdan və münaqişənin dinc yolla həllindən imtina etmir.
Obama qeyd edib ki, Rusiya prezidenti Putin münaqişəni uzatmaqla Ukraynanın ərazi bütövlüyünün və beynəlxalq hüququn pozulmasına nail olur.
ABŞ prezidenti Rusiyanı separatçılara maliyyə və hərbi dəstək verməkdə də ittiham edib.
azadlıq.info