İraqın Ənbar vilayətində İŞİD üzvləri biri-birilərini öldürüblər.
ANS PRESS-in məlumatına görə, İraq ordusunun Ənbar vilayətinə hücumlarından sonra terrorçular arasında fikir ayrılıqları yaranıb və nəticədə bir neçə İŞİD üzvü arasında mübahisə düşüb.
Mübahisə zamanı terrorçulardan biri üzərində quraşdırdığı bombanı partladıb. Nəticədə 17 terrorçu ölüb.
Qeyd edək ki, İraq ordusunun rəhbərliyi açıqlama verib ki, son vaxtlar İŞİD üzvləri arasında fikir ayrılıqları hökm sürür.
Bunun səbəbi isə ordu tərəfindən onlara qarşı endirilən güclü zərbələrdir. Amma buna baxmayaraq ölkənin bir neçə böyük şəhəri terrorçuların nəzarəti altındadır. Hazırda İŞİD-ə qarşı kürdlər də vuruşur.