Azərbaycanda yeni xəbər portalı – istiqlal.az saytı fəaliyyətə başlayıb. Saytı iqtisadçı-jurnalist Qadir İbrahimli təsis edib.
Q.İbrahimli bildirib ki, istiqlal.az sözün bütün mənalarında müstəqil media quruluşu olacaq: “Saytımız formaca yox, məzmunca müstəqil olacaq. Yönümündən asılı olmayaraq bütün siyasi qüvvələrə informasiya dəstəyi vermək, ölkənin sosial-ictimai sektorunda baş verən hadisələri obyektiv şəkildə işıqlandırmaq niyyətindəyik. Hesab edirik ki, internet istifadəçiləri çox qısa müddət ərzində istiqlal.az saytının daimi izləyicilərinə çevriləcəklər”.